स्मार्ट एजुकेशन हब अब एयरपोर्ट रोड सिमरामा

नयाँ इतिहास

१ महिना अघि

पाठक संख्या २५८

नारायण पौडेल

सिमरा: शिक्षा र व्यावसायिक तालिमको गुणस्तरीय सेवा अब जीतपुरसिमरा-२, एयरपोर्ट रोड, बारामा उपलब्ध हुने भएको छ। “स्मार्ट एजुकेशन हब” नामक नयाँ शैक्षिक संस्थाले स्थानीय विद्यार्थीहरूका लागि उत्कृष्ट शिक्षण तथा प्रशिक्षण सेवाहरू प्रदान गर्ने उद्देश्यसहित सञ्चालनमा आएको हो ।

यस संस्थाका संस्थापकहरू मुरलिधर चौधरी र गोविन्द थापा रहेका छन्। उद्घाटन समारोहमा विशेष अतिथि  ब्राईटर एकेडेमी सिमरा का प्रधानाध्यापक तथा प्याबसन बाराका अध्यक्ष राजु कार्की, सह प्रधानाध्यापक चन्दन चौधरी र शिक्षिका प्रीति चौहान ले रिबन काटेर औपचारिक रूपमा संस्थाको शुभारम्भ गरे। यस संस्थाले लोकसेवा तथा शिक्षक सेवा आयोग तयारी, बैंकिंग तथा वित्तीय तालिम, +2 व्यवस्थापन ट्युसन, BBS & BBA ट्युसन, कम्प्युटर कोर्सहरू र IELTS तथा विदेश अध्ययन परामर्श सेवा को सुबिधा दिने यस संस्थाका संस्थापक गोबिन्द थापाले बताए 

'लोकसेवा तथा IELTS को तयारी दक्ष एवं अनुभवी शिक्षक तथा स्थानिय तहका अधिकृतहरूबाट गराइने छ, जसले विद्यार्थीहरूलाई व्यावहारिक ज्ञान प्रदान गर्नेछ' थापाले भने ।

संस्थापक मुरलिधर चौधरी का अनुसार, “हाम्रो उद्देश्य विद्यार्थीहरूलाई उत्कृष्ट शैक्षिक वातावरण प्रदान गर्दै उनीहरूको उज्ज्वल भविष्य सुनिश्चित गर्नु हो । अहिले यस संस्थामा १०० जनाको संख्यामा बिद्यार्थीहरु अध्यनरत छन ।

स्मार्ट एजुकेशन हब अब गुणस्तरीय शिक्षा र करियर विकासका लागि महत्वपूर्ण गन्तव्य बन्ने विश्वास गरिएको छ।