२२ चैत २०८१ शुक्रबार | 04 Apr 2025 Fri

बारा जिल्ला तेक्वान्दो संघको तेस्रो साधारण सभा सम्पन्न



  • नयाँ इतिहास
  • ३ हप्ता अघि
  • पाठक संख्या १९१
  • निजगढ : बारा जिल्ला तेक्वान्दो संघ, निजगढको शनिबार तेस्रो साधारण सभा सम्पन्न भएको छ ।

    निजगढ–८ स्थित कभर्ड हलमा आयोजित साधरण सभाको नेपाल तेक्वान्दो संघ मधेस प्रदेशका महासचिव राजकुमार लामाले उद्घाटन गरेका छन् ।

    साधारण सभामा प्रस्तुत अध्यक्षको प्रगति प्रतिवेदन र आर्थिक प्रतिवेदन सुझावसहित पारित भएको छ । संघका सदस्य नवराज खड्काले प्रतिवेदन बाचन गरेका थिए ।

    कार्यक्रममा संघका महासचिव लामा, खेलकुद विकास समिति बाराका कार्यालय प्रमुख हेमलाल श्रेष्ठ, पत्रकार महेश्वर अधिकारी लगायत सहभागि थिए ।

    कार्यक्रमको अवसरमा उत्कृष्ट तेक्वान्दो डोजाङ्गको सम्मान निजगढ–१ सिंगौलस्थित नेपाल राष्ट्रिय माध्यमिक विद्यालय तेक्वान्दो डोजाङ्ग घोषित भएको छ ।

    कार्यक्रमका प्रमुख अतिथि राजकुमार लामा र संघका अध्यक्ष चित्रकुमार लामाले डोजाङ्ग प्रमुख मानबहादुर तामाङ्गलाई सम्मान–पत्रसहित सम्मानित गरेका थिए ।

    संघका अध्यक्ष चित्रकुमार लामा ‘नन्दु’ को अध्यक्षतामा भएको कार्यक्रमको सञ्चालन सचिव दिपककुमार खड्काले गरेका थिए ।