औराहाको ‘के एण्ड डी’ ग्रुपद्वारा जीतपुरसिमरा गोल्डकपको मुख्य प्रशिक्षकको पुरस्कार प्रायोजन 

नयाँ इतिहास

४ दिन अघि

पाठक संख्या ५१७

सिमरा : बाराको जीतपुरसिमरा उपमहानगरपालिका ४ औराहामा रहेको के एण्ड डी ग्रुपले जीतपुरसिमरा गोल्डको मुख्य प्रशिक्षकको पुरस्कार प्रयोजन गरेको छ । 

औराहाका युवा व्यवसायीहरुको व्यवसायिक समुह के एण्ड डी ग्रुपले सोमबार क्लबका अध्यक्ष रामचन्द्र लामालाई मुख्य प्रशिक्षकको पुरस्कार बापतको २५ हजार रुपैयाँ सहयोग हस्तान्तरण गरेका छन् । 

के एण्ड डी ग्रुपका अध्यक्ष कृष्ण सोंडारीले मोफसलकै प्रतिष्ठित प्रतियोगितासंग जोडिन पाउँदा खुशी लागेको बताउँदै आगामी दिनमा नवजनजागृति युवा क्लबसंग अझै धेरै क्षेत्रमा सहकार्य गर्न तयार रहेको बताए । 

औराहास्थित ग्रुपको कार्यालयमा सम्पन्न सहयोग हस्तान्तरण कार्यक्रममा क्लबका अध्यक्ष लामाले युवा व्यवसायीहरुले फुटबल प्रति देखाएको चासो र सहकार्यले आफूहरुलाई थप उत्साहित बनाएको बताउँदै के एण्ड डी ग्रुपको व्यवसायिक यात्रामा आफु र आफ्नो क्लबको सदैव सकारात्मक सहयोग रहने प्रतिवद्धता व्यक्त गरे । 

कार्यक्रममा जीतपुरसिमरा उपमहानगरपालिका ४ का अध्यक्ष भोजवहादुर खत्री, जीतपुरसिमरा उपमहानगरपालिकाको श्रम, उद्योग वाणिज्य तथा रोजगार प्रवद्र्धन समितिका संयोजक अर्जुन रसाइली, एमाले युवा नेता राजकुमार थापा एवं  क्लबका सदस्यहरु सन्तोष दाहाल, सुनील गाउँले, के एण्ड डी ग्रुपका अध्यक्ष कृष्ण सोंडारी, किसन ढकाल, दिपक अधिकारी, नविन खड्का, कैलाश लामिछाने, निराजन खरेल लगायतको उपस्थिती रहेको थियो । 

औराहाका सातजना युवाहरुको सहभागितामा स्थापित के एण्ड डी ग्रुपले स्थानीय स्तरमा रोजगारीको प्रवद्र्धनका लागि नीजि क्षेत्रसंग सहकार्य गरेर काम गरिरहेको छ । विशेष आर्थिक क्षेत्र सेज तथा बीरगञ्ज–पथलैया औद्योगिक करिडोरका उद्योगहरुमा दक्ष, अर्धदक्ष तथा अदक्ष कामदारहरु उपलव्ध गराउने, मालसामान तथा कच्चापदार्थ ढुवानी तथा आपुर्तीमा सहजीकरण गर्ने लगायतका कार्य आफूहरुले गरिरहेको के एण्ड डी ग्रुपका दिपक अधिकारीले बताए ।