चितवनमा यु आर लण्ड्रीको सेवा विस्तार गर्दै सिमराका उमेश चौलागाँई

नयाँ इतिहास

१ हप्ता अघि

पाठक संख्या १६३

रत्ननगर : रत्ननगर नगरपालिका वडा नं १ सौराहाचोक स्थित साहरा सुपरमार्केटमा यू.आर.अटोमेटिक लौण्ड्रीको संकलन केन्द्र सञ्चालनमा ल्याइएको छ ।

संकलन केन्द्रको एक औपचारिक कार्यक्रमका बीच पूर्वी चितवन पत्रकार मञ्चका अध्यक्ष होमनाथ सापकोटाले उद्घाटन गरेका थिए । सिमारामा मुख्य कार्यालय रहेको उक्त लौण्ड्रीको गत असोज महिनामा सौराहामा शाखा विस्तार गरी सेवा सुरु गरिएको थियो ।

पर्यटकीय नगरी सौराहामा रहेका होटलहरुमा सेवा प्रदान गर्न सुरु गरिएको उक्त लौण्ड्रीले टाँडी बजार र यस आसपासका बासिन्दालाई मध्यनजर गरी संकलन केन्द्र सञ्चालनमा ल्याएको सञ्चालक उमेश चौलागाईले जानकारी दिए । १० बर्ष विदेशमा पसिना बगाएर स्वदेश फर्किएका चौलागाईले सिमारामा लौण्ड्री र चियापत्ती उद्योग सञ्चालनमा ल्याएका छन् ।

सिमारामा रहेका दुई वटा उद्योग सञ्चालनको जिम्मेवारी श्रीमति रिता कँडेललाई दिएर चापागाईँ सौराहामा सेवा प्रदान गर्न आएका हुन् । करिब १ करोडको लगानीमा सौराहामा सञ्चालनमा ल्याइएको लौण्ड्रीमा स्थानीय १५ जनालाई रोजगारी प्रदान गरिएको छ ।

टाँडी र यस आसपासका क्षेत्रबाट कपडा संकलन गर्ने र सौराहा स्थित लौण्ड्रीमा धोएर घरघरमै पु¥याउने योजनाका साथ संकलन केन्द्र सञ्चालनमा ल्याइएको हो ।