रोटी किन ‘गोलो’ नै हुन्छ ?

नयाँ इतिहास

१० महिना अघि

पाठक संख्या ६४

एजेन्सी । संसारभर त्यस्तो कमै देश होलान् जहाँ रोटी खाइँदैन । विभिन्न प्रकारका रोटी संसारभरी नै पकाइन्छ । जतिबेला देखि नै रोटीको आविष्कार भयो, त्यतिबेलादेखि नै यसको आकार भने गोलो नै छ ।

नेपाल-भारतमा यसलाई रोटी भनिन्छ भने माल्दिभ्समा यसलाई रोशीको नामले चिनिन्छ । त्यस्तै अंग्रेजीमा यसलाई ब्रेड, चपाती भनिन्छ । पूर्वी अफ्रिकामा यसलाई चापो र स्पेनिशमा यसलाई मोलेटे भनिन्छ ।

संसारभर रोटी विभिन्न अनाजका विभिन्न प्रकारका बन्छन् । आर्मेनियामा बन्ने रोटी, संसारको सबैभन्दा ठूलो रोटीको रूपमा चिनिन्छ । यो सामान्यभन्दा आठ दश गुणा ठूलो हुन्छ ।

त्यसो त हाम्रो देशमा पनि रोट भनेर मोटो रोटी बनाइन्छ भने सुदूरपश्चिममा मोटो रोटी तालमाडा भनेर बनाइन्छ ।

रोटी गोलो बनाउनका पछाडिको मुख्य कारण भनेको यो आकारमा बनाउन सबैभन्दा सजिलो हुनु हो । गोलो रोटी तावामा पनि एउटा प्रकारले पाक्छ । चारैतिरबाट पकाउन सजिलो हुन्छ ।

रोटी गोलो हुनुको मुख्य कारण यसलाई बनाउने र सेक्ने सजिलो तरिकाले गर्दा नै हो । यसको पछाडि कुनै पनि रकेट साइन्स भने छैन ।

हामीले चारकोण तथा तीनचुच्चे विभिन्न प्रकारका रोटी पनि बनाउँछौं तर, सबैभन्दा सजिलो र नियमित रूपमा बनाउने रोटीको आकार भने गोलो नै हुन्छ ।