जीतपुरसिमराका न्यायीक समिति सदस्यको निधन

नयाँ इतिहास

३ महिना अघि

पाठक संख्या ५३४

नारायण पौडेल 

सिमरा : बाराको जीतपुरसिमरा उपमहानगरपालिकाका न्यायीक समिति सदस्य जादोलाल सहनीको निधन भएको छ ।

मिर्गौला सम्बन्धि रोगको उपचार गराइरहेका सहनीको उपचारकै क्रममा मङ्गलबार सांझ बिरगंजमा निधन भएको हो ।

५८ बर्षीय सहनी २०७९ को स्थानीय तह निर्वाचनमा जीतपुरसिमरा उपमहानगरपालिका १३ को वडा सदस्य निर्वाचित भएका थिए । 

नेकपा एमालेबाट निर्वाचित सहनी स्थानीय स्तरमा शालीन ब्यक्तित्वका रुपमा परिचीत थिए । सामाजिक क्षेत्रमा लामो समय सक्रिय सहनीको निधनले जीतपुरसिमरा १३ पोताका स्थानीयले एक असल अभिभावक गुमाएको बताएका छन्  ।

सहनीको निधन संगै जीतपुरसिमरा उपमहानगरपालिकाले २०७९ मा निर्वाचित दुई नगर सभा सदस्य गुमाएको छ ।२०८० जेठ १२ गते जीतपुरसिमरा-१४ मा वडा सदस्य निर्वाचित रामपती थरुनीको निधन भएको थियो । थरुनी कार्यपालिका सदस्य समेत थिइन् ।