पसाहा पुल देखी मटिअर्वा भन्सारसम्म सांसद साहले गराइन सरकारको ध्यानाकर्षण

नयाँ इतिहास

२ महिना अघि

पाठक संख्या ४८८

सिमरा : प्रतिनीधी सभा सदस्य ज्वालाकुमारी साहले जैतापुर–रामनगर खण्डमा पसाहा पुलको निर्माण गर्न सरकारको ध्यानाकर्षण गराएकी छन् ।

पूर्वमन्त्री समेत रहेकीसांसद साहले पसाहा खोलाको पुल नबन्दा जनताले दुःख पाईरहेको भन्दै तत्काल पुलको निर्माण शुरु गर्न सरकारको ध्यानाकर्षण गराएकी हुन् ।  

प्रतिनिधी सभाको विहीबारको बैठकको शुन्य समयमा बोल्दै बारा–३ की सांसद साहले मानमत–मटिअर्वा सडकखण्डको निर्माण सुस्त गतीमा भइरहेको भन्दै सो कार्यलाई तिव्रता दिन माग गरिन् । बाराको मटिअर्वा नाकालाई छोटी भंसारका रुपमा स्तरोन्नती गर्नुपर्नेमा सरकारको ध्यानकर्षण गराउँदै सांसद साहले बाराबासीले पाइरहेको दुःखमा ध्यान दिन सरकारसंग माग गरिन् । 

२०११ सालको किसान आन्दोलनमा सहादत प्राप्त बाराका किसान नेता मुखलाल महतालाई शहीद घोषणा गर्न सरकारले ७० वितिसक्दा पनि ध्यान नदिएको भन्दै सांसद साहले प्रतिनिधी सभा मार्फत सरकारको ध्यानाकर्षण समेत गराएकी छन् ।