गायक रुद्रसेन विश्वकर्माद्वारा ‘दे दन प्यार गोरि’ भोजपुरी गीत सार्वजनिक

नयाँ इतिहास

१ महिना अघि

पाठक संख्या २५४

नारायण पौडेल

सिमरा : गायक, गीतकार तथा संगीतकार रुद्रसेन विश्वकर्माले आफ्नो नयाँ भोजपुरी गीत ‘दे दन प्यार गोरि’ सार्वजनिक गरेका छन्। मंगलबार सिमरामा आयोजित पत्रकार सम्मेलनमा उनले गीतको विषयमा जानकारी गराएका हुन्।

विश्वकर्माले पत्रकार सम्मेलनमा गीतको निर्माण प्रक्रिया, शब्द तथा संगीतको महत्वबारे चर्चा गर्दै भोजपुरी संगीतप्रेमीहरूलाई नयाँ स्वाद दिने प्रयास गरेको बताए। उनले भने, “यो गीत प्रेम र उत्साहको संगम हो, जसले श्रोतालाई नाच्न बाध्य बनाउनेछ।”

गीतको म्युजिक भिडियोमा सागर लम्साल (बले) र शिल्पा पोखरेलको अभिनय रहेको छ भने आकर्षक कोरियोग्राफी, आकर्षक दृश्य तथा मनमोहक प्रस्तुतिले भरिएको बताइएको छ। पत्रकार सम्मेलनमा स्थानीय कलाकार, संगीतप्रेमी तथा सञ्चारकर्मीहरूको उल्लेखनीय उपस्थिति थियो।

गायक विश्वकर्माले यसअघि पनि थुप्रै चर्चित गीत बजारमा ल्याइसकेका छन्। ‘दे दन प्यार गोरि’ गीत  रुद्र सेन क्रियसन प्रा लि युट्युव च्यानलमा उपलब्ध रहेको छ र श्रोताहरु बाट राम्रो प्रतिक्रिया आउने विश्वास गरिएको छ । यस कार्यक्रम को सहजिकरण संचारकर्मी प्रदिप गौतम ले गरेका थिए ।