जीतपुरसिमरा २१ अमलेखगञ्जका १५७ जना वृद्धवृद्धालाई ब्लाङ्केट वितरण

नयाँ इतिहास

३ महिना अघि

पाठक संख्या १६८

सिमराः जीतपुरसिमरा उपमहानगरपालिका वडा नं. २१ को कार्यालयले वडा भित्र रहेका वृद्धवृद्धालाई ब्लाङ्केट वितरण गरेको छ । वडा भित्र रहेका ६८ वर्ष भन्दा माथिका एक सय ५७ जना वृद्धवृद्धालाई ब्लाङ्केट वितरण गरिएको हो ।

जीतपुरसिमरा २१ का वडाध्यक्ष सुवास श्रेष्ठले एक कार्यक्रमका बीच ब्लाङ्केट वितरण गरेका थिए । जेष्ठ नागरिक सम्मान कार्यक्रम अन्तर्गत चिसोबाट बच्नका लागि वृद्धवृद्धालाई ब्लाङ्केट वितरण गरेको वडाध्यक्ष श्रेष्ठले बताए ।

ब्लाङ्केट वितरण कार्यक्रममा वडा सदस्य बद्रीनारायण साह, जमुना गौतम, सितादेवी विक, वडासचिव जीवन थापालगायत उपस्थित थिए ।